ДОТООД МЭДЭЭ
Нийслэл гадаад зах зээлд бонд арилжаалж, “Сэлбэ” дэд төвийн төслийг санхүүжүүлэхээр төлөвлөж байна.Улсын Их Хурлын 2024 оны ээлжит сонгуульд нийт 26 нам, 2 эвсэл оролцох хүсэлтээ өгчээ.Нийгмийн даатгалын сангаас өндөр настнуудад олгосон тэтгэврийн хэмжээ өмнөх оны мөн үеэс 34.5%-иар өссөн нь сүүлийн 4 жилийн хамгийн дээд хэмжээ болжээ.Үндэсний их баяр наадмын нээлт болон хаалтын ёслолыг 2.9 тэрбум төгрөгөөр зохион байгуулна.Бүлэг этгээд үйл ажиллагаа явуулаагүй 10 компанийн нэр дээр нийт 14,180 ширхэг хуурамч баримтыг үйлдэж, НӨАТ-ын урамшуулал болох 1.3 тэрбум төгрөгийн буцаан олголтыг хууль бусаар авсныг Тагнуулын Ерөнхий Газар илрүүлжээ.Европын сэргээн босголт, хөгжлийн банкнаас Дархан-Уул аймагт шинээр эмнэлэг барихад зориулж 43.2 сая ам.долларын зээл олголоо.__________________________________________
ДЭЛХИЙН МЭДЭЭ
АНУ-ын Сенатын танхим Тик Ток аппликейшнийг хэрэглэгчийн мэдээллийг буруугаар ашиглаж үндэсний аюулгүй байдалд аюул учруулж байж болзошгүй гэж үзэн хориглох эсвэл худалдах хуулийн төслийг баталж бол ерөнхийлөгч Ж.Байден гарын үсэг зурлаа.АНУ-ын Холбооны нөөцийн сан бодлогын хүүгээ 5.25-5.50 нэгж хувьд хэвээр үлдээх шийдвэрийг гаргалаа.Энэтхэгийн бүх нийтийн сонгуульд Ерөнхий сайд Нарендра Моди 3 дахь удаагаа өрсөлдөж байна.БНСУ-ын инфляц 4 сард өмнөх сараас 3.1%-иар саарсан нь шинжээчдийн хүлээлтийг давав.Тайванийн ДНБ энэ оны эхний улиралд өмнөх оны мөн үеэсээ 6.51 хувиар өсөж, нийт 5.46 их наяд тайвань доллар болоход AI технологийн экспорт III сард 18.9 хувиар өссөн нь нөлөөлжээ.ОУВС Азийн эдийн засгийн өсөлтийн төсөөллөө 0.3 суурь нэгжээр ахиулж 4.5 хувь болгов.________________________________________
ХӨРӨНГИЙН ЗАХ ЗЭЭЛ
Монголын хөрөнгийн зах зээлМонголын хөрөнгийн бирж дээр өнгөрсөн долоо хоногт (04/29-05/03) нийт ₮5.5 тэрбумын арилжаа хийгдэж, 05 сарын 03-ны өдрийн байдлаар хөрөнгийн зах зээлийн үнэлгээ ₮11.06 их наядад хүрч буурлаа. Тоо ширхгээр ПРЕМИУМ НЭКСУС ХК (CUMN)-ийн 1,404,191ш хувьцаа, үнийн дүнгээр ХААН БАНК (KHAN)-ийн хувьцаа ₮630.25 сая төгрөгөөр хамгийн идэвхтэй арилжаалагдсан байна.
TOP 20 индекс өмнөх долоо хоногтой харьцуулахад -0.7%-иар, MSE A индекс -1.55%-иар тус тус буурсан бол MSE B индексийн хувьд +0.6%-ийн өсөлттэй хаагдсан байна.
TOP-3 өсөлт: ХӨСӨГ ТРЕЙД (HSG) + 32.2 %, СҮҮ (SUU) + 17.8%, МОНГОЛ НЭХМЭЛ (MNH) + 15%.
TOP-3 уналт: МОНГОЛ ШЕВРО (MVO) -14.98 %, МОНИНЖБАР (MIB) -14.96 %, ХӨВСГӨЛ АЛТАН ДУУЛГА (ADU) -14.92 %.“Говь” ХК хувьцаагаа эргүүлэн худалдаж авах шийдвэр гаргаж эргүүлэн худалдаж авах нэгж хувьцааны үнийг 268.26 төгрөгөөр тогтоов. Ингэснээр хувьцаагаа буцаан худалдан авахаар болсон “Таван Богд”-ын хөрөнгө оруулалттай хоёр дахь компани болж байна.Премиум Нексус ХК-ийн цэвэр алдагдал өмнөх оны мөн үеэс 9.3 тэрбум төгрөгөөр буурч 110.9 тэрбум төгрөгийн цэвэр орлоготой ажиллажээ.Шунхлай Групп 30 гаруй компанийн 7,878 ажилтнуудын хувьцааны дансанд ₮3.2 тэрбумын дүн бүхий АПУ ХК-ийн хувьцаа байршиж дууслаа.Шинэ IPO. “Вояж” цэвэр усыг үйлдвэрлэдэг Эм Жи Эл Акуа ХХК компанийн 26.72%-иа санал болгож, нийт 15.2 тэрбум төгрөгийг татан төвлөрүүлэхээр боллоо.________________________________________
Америкийн хөрөнгийн зах зээлКомпаниудын I улирлын тайлан ар араасаа сайн гарснаар зах зээл өсөлттэй хаагдлаа. Ийнхүү технологийн Nasdaq Composite индекс +1.4%, S&P 500 индекс +0.5%, Dow Industrial Average индекс +1.1%-иар тус тус өссөн байна.
Технологийн томчуудын тайлан гарав. Тухайлбал, Microsoft ашиг нь 20%-аар өсөж, 21.9 тэрбум доллар болсон бол Meta-н цэвэр ашиг 117% нэмэгдэж $12.4 тэрбумд хүрэв.Европын хөрөнгийн зах зээлЕвропын хөрөнгийн зах зээлийн томоохон индексүүд бүгд унасан ч Их Британийн FTSE 100 индекс +0.9%-иар өссөнд уул уурхай, эрчим хүчний салбарын өсөлт нөлөөлжээ.
Азийн хөрөнгийн зах зээлИений ханш суларсны хажуугаар бараа бүтээгдэхүүний үнэ өссөнөөр аж ахуйн нэгжийн ашиг сайжирч, улмаар Nikkei 225 индекс 0.8%-иар, TOPIX индекс 1.6%-иар тус тус өссөн байна.
Хятадын засгийн газар эдийн засгаа дэмжихийн тулд мөнгөний болон төсвийн бодлого, тэр дундаа зээлийн хүүг бууруулахаа төлөвлөж байгаагаа зарласнаар Shanghai Composite индекс 0.52%-иар өслөө.
