Эдийн засгийн мэдээ
Хөрөнгийн зах зээл
Европын хөрөнгийн зах зээл 5 сарын 26 ны өдөр Европын ихэнхи улсуудад Ancension day гэх христын шашны баярын өдөр тохиосон учир арилжааны идэвхи муу 7 хоног байлаа. Гэвч “STOXX Europe 600 Index” 2.98%, “Germany’s DAX Index” 3.44%, “France’s CAC 40 Index” 3.67%, “UK’s FTSE 100 Index” 2.65%-иар тус тус өссөн үзүүлэлттэй байна.
Азийн зах зээл Өнгөрсөн 7 хоногт Японы Nikkie 225 индекс 0.16%-иар өссөн ч сүүлийн 3 сарын хугацаанд нийт үйлдвэрлэл удааширсан үзүүлэлттэй гарсан нь энэхүү өсөлтийг удаан хугацааны өсөлт биш болохыг харуулж байна.
Хятадын ковидын эсрэг авч хэрэгжүүлсэн хатуу бодлогын улмаас худалдаа үйлдвэрлэлийн салбар ихээхэн агшсан үзүүлэлттэй байна. Хөрөнгийн зах зээлийн хувьд Shanghai Composite индекс 0.5%-иар, Blue chip CSI 300 индекс 1.9%-иар тус тус унажээ.
Дотоодын хөрөнгийн зах зээл Монголын хөрөнгийн бирж дээр өнгөрсөн 7 хоногт нийт 925,719,313.61 төгрөгийн арилжаа хийсэн байна. Үүнээс хувьцааны хоёрдогч зах зээл дээр нийт 72 компанийн 1,779,537 ширхэг хувьцаа 747,079,288 төгрөгөөр, бондын хоёрдогч арилжаанд нийт 1,185 ширхэг бондыг нийт 132,807,962 төгрөгөөр, хөрөнгө оруулалтын сангийн хоёрдогч зах зээлийн арилжаанд 151,046 ширхэг нэгж эрхийг 100,278,358 төгрөгөөр, хөрөнгөөр баталгаажсан үнэт цаасны хоёрдогч арилжаанд 1 ширхэг үнэт цаасыг 100,000 төгрөгөөр тус тус арилжаалагдсан байна.
TOP 20 индекс 34242.63 нэгж болж 7 хоногийн хугацаанд 0.69%-иар, MSE A индекс 0,05%-иар, MSE B 1,22%-иар тус тус унаж зах зээлийн үнэлгээ нийтдээ ₮4.926 их наядын үнэлгээтэй байна.
Идэвхийн хувьд үнийн дүнгээр Ард санхүүгийн нэгдлийн хувьцаа нийт 156,774,413 төгрөгөөр, тоо ширхэгээр Мандал даатгалын хувьцаа 503 720 ширхэгээр арилжаалагдсан байна.
